Нууцлалын бодлого

Энэхүү бодлого нь Түмэн ресурс ХХК (цаашид «бид») -ийн эзэмшдэг «Түмэн Тээвэрчин» iOS/Android аппликейшн (цаашид «Апп») хэрэглэгч-жолоочийн хувийн мэдээллийг хэрхэн цуглуулж, ашиглаж, хадгалж, хамгаалдгийг тайлбарлана. Аппыг ашигласнаар та энэ бодлогыг зөвшөөрч байна.

1. Цуглуулдаг мэдээлэл

• Утасны дугаар — нэвтрэлт (SMS нэг удаагийн код), бүртгэлийн таних тэмдэг.
• Овог, нэр, регистрийн дугаар, төрсөн огноо — жолоочийн профайл, бүртгэл баталгаажуулалт; нэр, утсыг захиалагч болон диспетчерт харуулна.
• Жолоочийн үнэмлэх — үнэмлэхийн дугаар, ангилал, хүчинтэй хугацаа болон үнэмлэхийн зураг. Жолоодох эрхийг баталгаажуулах (KYC).
• Иргэний үнэмлэхийн зураг (урд, ар тал) — бүртгэл баталгаажуулалт (KYC). Та камер эсвэл зургийн сангаас өөрөө сонгож илгээнэ.
• Яаралтай үед холбоо барих хүний нэр, утас — рейсийн үед онцгой байдал үүсвэл холбогдох.
• Тээврийн хэрэгслийн мэдээлэл — улсын дугаар, марк/загвар, даац, арлын дугаар (VIN).
• Байршил (GPS) — зөвхөн идэвхтэй рейсийн үед, тээврийн явцыг захиалагч, диспетчерт харуулахад. Апп нээлттэй/дэлгэц асаалттай үед л байршлыг ашиглана (while-in-use), апп ард (background) ажиллаж байх үед байршил цуглуулахгүй. Идэвхтэй рейсгүй үед ч байршил цуглуулахгүй.
• Ачааны зураг — ачилт, хүргэлтийн баталгаа болгон та өөрөө авч илгээнэ.
• Төхөөрөмжийн мэдэгдлийн токен (push token) — шинэ захиалга, оноолтын push мэдэгдэл илгээх.
• Техникийн лог, алдааны тайлан — аппын тогтвортой ажиллагааг хангах (Sentry, идэвхжүүлсэн үед). Төхөөрөмжийн загвар, үйлдлийн системийн хувилбар, аппын хувилбар, алдааны мөр багтана.

2. Мэдээллийг ашиглах зорилго

• Жолоочийн бүртгэл үүсгэх, баталгаажуулах, нэвтрүүлэх.
• Тээврийн захиалгыг санал болгох, оноох, гүйцэтгэлийг хянах, тооцоо хийх.
• Захиалагч болон диспетчерт тээврийн явц, байршлыг харуулах.
• Мэдэгдэл илгээх, аппын алдааг илрүүлж засах.
• Хууль тогтоомжийн шаардлагыг биелүүлэх.

3. Гуравдагч этгээдтэй хуваалцах

Бид таны мэдээллийг зарж, түрээслэдэггүй. Дараах тохиолдолд л хуваалцана:

• Тухайн рейсийн захиалагч, диспетчерт — нэр, утас, тээврийн хэрэгсэл, рейсийн байршил.
• Үйлчилгээ үзүүлэгч: Google Firebase (нэвтрэлт, өгөгдлийн сан, файл хадгалалт, push мэдэгдэл), Sentry (алдааны тайлан), Vercel (сервер). Эдгээр нь өөрсдийн нууцлалын бодлогын дагуу мэдээллийг боловсруулна.
• Хуулиар шаардсан, эрх бүхий байгууллагын хүсэлтээр.

4. Хадгалах хугацаа, аюулгүй байдал

Мэдээллийг жолоочийн бүртгэл идэвхтэй байх хугацаанд болон хууль, санхүүгийн шаардлагаар зайлшгүй хадгалах хугацаанд хадгална. Мэдээлэл шифрлэгдсэн холболтоор (HTTPS) дамжиж, хандалт нь эрхийн дүрмээр хязгаарлагдана.

5. Таны эрх

• Профайл, тээврийн хэрэгслийн мэдээллээ апп дотроос засах.
• Байршил, камер, мэдэгдлийн зөвшөөрлийг төхөөрөмжийн тохиргооноос хэдийд ч хаах (зарим үйлдэл ажиллахгүй болно).
• Бүртгэл болон холбогдох мэдээллээ устгуулах хүсэлтийг доорх хаягаар эсвэл апп дотроос («Профайл → Бүртгэл устгуулах») илгээх — бид ажлын 3 өдрийн дотор баталгаажуулж, 30 хоногийн дотор устгана. Дэлгэрэнгүй: /tumen-driver/delete-account

6. Хүүхдийн мэдээлэл

Апп нь 18 насанд хүрсэн, жолоодох эрхтэй хүнд зориулагдсан. Хүүхдийн мэдээллийг санаатайгаар цуглуулдаггүй.

7. Өөрчлөлт

Бодлого өөрчлөгдвөл энэ хуудсанд шинэчилсэн огноотой нийтэлнэ.

8. Холбоо барих

Түмэн ресурс ХХК
Улаанбаатар, Сүхбаатар дүүрэг, 1-р хороо, Монгол ТВ Товер, 905 тоот
И-мэйл: unursaikhan@tumenresources.mn
Утас: +976 8888 1423
Вэб: https://www.tumentech.mn/

English summary: Түмэн Тээвэрчин is a driver app operated by Түмэн ресурс ХХК. It collects your phone number (sign-in); name, register number and date of birth; driver licence number, class, expiry and licence photo; national ID card photos (front/back) for identity verification; emergency-contact name and phone; vehicle details (plate, brand/model, capacity, VIN); GPS location only during an active trip, only while the app is open (while-in-use; not collected in the background); cargo photos you take; a push-notification token; and crash/diagnostic logs (Sentry, when enabled). Data is shared only with the customer/dispatcher of your trip and with our service providers (Google Firebase, Sentry, Vercel). Request deletion at unursaikhan@tumenresources.mn or in the app via Profile → Delete account — see /tumen-driver/delete-account.